సదాశివపేటలో పోలీసుల వాహన తనిఖీలు ముమ్మరం!

• సీఐ వెంకటేశ్ ఆదేశాలతో తనిఖీలు..
• నిబంధనలు పాటించాలని వాహనదారులకు సూచన

సదాశివపేట, న్యూస్ పేజ్:

పట్టణంలో శాంతిభద్రతల పరిరక్షణతో పాటు రోడ్డు భద్రతకు ప్రాధాన్యతనిస్తూ సదాశివపేట పోలీస్ స్టేషన్ పరిధిలో పోలీసులు వాహన తనిఖీలు నిర్వహించారు. సీఐ వెంకటేశ్ ఆదేశాల మేరకు పోలీసులు పట్టణంలోని ప్రధాన కూడళ్లలో వాహనాలను ఆపి, అవసరమైన పత్రాలను పరిశీలిస్తూ తనిఖీలు చేపట్టారు. ఈ సందర్భంగా వాహనదారులు ట్రాఫిక్ నిబంధనలను తప్పనిసరిగా పాటించాలని, వాహనాలకు సంబంధించిన పత్రాలను వెంట ఉంచుకోవాలని పోలీసులు సూచించారు.

ప్రజల భద్రతే లక్ష్యంగా పోలీసుల చర్యలు..

రహదారులపై ప్రమాదాల నివారణకు ప్రతి ఒక్కరూ బాధ్యతగా వ్యవహరించాలని, పోలీసులకు సహకరించాలని అధికారులు కోరారు. ప్రజలకు భద్రత కల్పించడంతో పాటు రహదారులపై క్రమశిక్షణను పెంపొందించేందుకు ఈ తనిఖీలు నిర్వహిస్తున్నట్లు వెల్లడించారు. వాహనదారులు నిబంధనలు పాటిస్తూ పోలీసులకు సహకరించాలని సూచించారు. ఈ విస్తృత తనిఖీ కార్యక్రమంలో స్థానిక ఎస్ఐతో పాటు పోలీసు సిబ్బంది పాల్గొన్నారు.

Tags: Newspage, Sadashivapet News, Police Vehicle Inspection, CI Venkatesh Orders, Sangareddy Traffic Police, Road Safety Checking