- RWS ఔట్‌సోర్సింగ్ ఉద్యోగుల సమ్మె విరమణతో కదిలిన నీటి సరఫరా వ్యవస్థ..
- నీటి సరఫరా సమయంపై ప్రజలు సహనం పాటించాలని అధికారుల విజ్ఞప్తి.
సదాశివపేట, అక్టోబర్ 29, న్యూస్ పేజ్ :
సదాశివపేట పట్టణ ప్రజలకు తాగునీటి సరఫరాపై మున్సిపల్ అధికారులు కీలక సమాచారాన్ని వెల్లడించారు. రూరల్ వాటర్ సప్లై (RWS) విభాగంలో పనిచేస్తున్న జెట్‌సోర్సింగ్ ఔట్‌సోర్సింగ్ ఉద్యోగులు తమ సమ్మెను విరమించడంతో పట్టణంలో తాగునీటి సరఫరా వ్యవస్థ ఎట్టకేలకు పునఃప్రారంభమైంది. సింగూరు భూగర్భ జలాల ఫిల్టర్ బెడ్ కేంద్రం నుండి సదాశివపేట మున్సిపాలిటీ పరిధిలోని ప్రధాన ట్యాంకులకు నీటి పంపిణీ ప్రక్రియ అధికారికంగా మొదలైనట్లు అధికారులు ప్రకటించారు. ఈ సమ్మె విరమణతో గత కొన్ని రోజులుగా పట్టణంలో నెలకొన్న తాగునీటి స్తంభనకు తెరపడింది.
అయితే, ఫిల్టర్ బెడ్ నుండి మున్సిపాలిటీ ప్రధాన జలాశయాలకు మరియు అక్కడి నుండి కాలనీల పైపులైన్ల ద్వారా నీరు చేరడానికి సుమారు 5 నుంచి 6 గంటల సుదీర్ఘ సమయం పట్టే అవకాశం ఉందని అధికారులు స్పష్టం చేశారు. ఈ సాంకేతిక కారణాల దృష్ట్యా పట్టణ ప్రజలు, మహిళలు ఈ కాలాన్ని గమనించి నీటి సరఫరా సమయంపై పూర్తి సహనం పాటించాలని, అధికారుల సూచనలను అనుసరిస్తూ మున్సిపల్ యంత్రాంగానికి సహకరించాలని కోరారు. సమ్మె ముగియడంతో యుద్ధప్రాతిపదికన పైపులైన్ల లీకేజీల తనిఖీలు ముగించి పట్టణంలోని అన్ని వార్డులకు నీటిని విడుదల చేసేందుకు మున్సిపల్ సిబ్బంది చర్యలు వేగవంతం చేశారు.
ఈ నీటి సరఫరా పునరుద్ధరణ ప్రక్రియను మున్సిపల్ కమిషనర్ పర్యవేక్షిస్తూ పట్టణ పౌరులకు ఈ అధికారిక ప్రకటనను జారీ చేశారు. కాలనీల వారీగా నీరు చేరే సమయాలపై స్థానిక వార్డు అధికారులు నిరంతరం ప్రజలకు సమాచారం అందిస్తారని మున్సిపాలిటీ తెలిపింది. తాగునీరు ఇళ్లకు చేరేవరకు ప్రజలు ఇతర ప్రత్యామ్నాయ వనరులను పొదుపుగా వాడుకోవాలని మున్సిపల్ కమిషనర్, పురపాలక సంఘం సదాశివపేట తరఫున విజ్ఞప్తి చేశారు.
Tags : newspage news, Sadasivapet Water Supply Resumes, RWS Outsourcing Strike Ends, Sangareddy Municipal Water Updates
మమ్మల్ని ఫాలో అవ్వండి