బాపూజీ స్ఫూర్తి ఆదర్శం: సంగారెడ్డిలో కొండా లక్ష్మణ్ బాపూజీ విగ్రహానికి ఎమ్మెల్యే చింతా ప్రభాకర్ ఘన నివాళి!

9/27/2026 12:50:00 PM

తెలంగాణ కోసం పదవినే తృణప్రాయంగా విసిరికొట్టిన
త్యాగధనుడు కొండా లక్ష్మణ్ బాపూజీ: ఎమ్మెల్యే చింతా ప్రభాకర్
సంగారెడ్డి FRS వద్ద బాపూజీ విగ్రహానికి ఘనంగా నివాళులు
ఆశయ సాధనే మహనీయుడికి అసలైన పుష్పాంజలి

MLA Chinta Prabhakar paying floral tributes to Konda Laxman Bapuji statue in Sangareddy.

సంగారెడ్డి, న్యూస్ పేజ్ :

తెలంగాణ ప్రజల ఆత్మగౌరవం, ప్రత్యేక రాష్ట్ర సాధన కోసం జీవితాంతం రాజీలేని పోరాటం చేసిన ధీరోదాత్తుడు కొండా లక్ష్మణ్ బాపూజీ అని సంగారెడ్డి శాసనసభ్యులు చింతా ప్రభాకర్ కొనియాడారు. కొండా లక్ష్మణ్ బాపూజీ జయంతి సందర్భంగా సంగారెడ్డి పట్టణంలోని FRS వద్ద ఉన్న ఆయన విగ్రహానికి ఎమ్మెల్యే పూలమాలలు వేసి ఘనంగా నివాళులర్పించారు.

ఈ సందర్భంగా ఎమ్మెల్యే చింతా ప్రభాకర్ మాట్లాడుతూ.. అధికార వ్యామోహం కంటే ప్రజల ఆకాంక్షలే అత్యున్నతమని చాటిన నిస్వార్థ ప్రజానేత బాపూజీ అని పేర్కొన్నారు. 1952లో ఎమ్మెల్యేగా రాజకీయ జీవితం ప్రారంభించి డిప్యూటీ స్పీకర్‌గా, మంత్రిగా విశేష సేవలు అందించారని గుర్తుచేశారు. 1969 నాటి ప్రత్యేక తెలంగాణ ఉద్యమ ఉప్పెనలో ప్రజల ఆకాంక్షలకు పూర్తి మద్దతు ప్రకటిస్తూ మంత్రి పదవిని సైతం తృణప్రాయంగా త్యాగం చేసిన గొప్ప చరితార్థుడని ప్రశంసించారు. పదవుల కోసం పాకులాడకుండా తెలంగాణ స్వయంపాలన కోసమే తుదిశ్వాస వరకు శ్రమించిన బాపూజీ పోరాట స్ఫూర్తి, నిస్వార్థ సేవ నేటి యువతరానికి మార్గదర్శకమని అన్నారు. ఆయన ఆశయాలను సమాజంలో ముందుకు తీసుకెళ్లడమే మనం అందించే నిజమైన నివాళి అని పిలుపునిచ్చారు.

ఈ కార్యక్రమంలో జిల్లా అధికారి జగదీశ్వర్, ప్రజాప్రతినిధులు, పార్టీ ముఖ్య నాయకులు, కార్యకర్తలు పెద్ద సంఖ్యలో పాల్గొని బాపూజీకి ఘన నివాళులు అర్పించారు.

Tags : Konda Laxman Bapuji, MLA Chinta Prabhakar, Sangareddy Local News, Telangana Politics, Bapuji Jayanthi Celebrations, Telugu News Page