- రాజకీయ పిరికిపందలే మీడియా ద్వారా చిల్లర ఆరోపణలు చేస్తున్నారు..
- కమలం, గులాబీ నేతలపై యువజన కాంగ్రెస్ ఫైర్!
వరంగల్ ప్రతినిధి, వర్ధన్నపేట, న్యూస్ పేజ్ :
వర్ధన్నపేట నియోజకవర్గంలో రాజకీయ సమరం వేడెక్కింది. గత పాలకుల అక్రమాలు చూసి విసిగి వేసారిన ప్రజలు ప్రజా పాలనలో తమతో మమేకమయ్యే నేత కావాలని కాంగ్రెస్ ఎమ్మెల్యే కేఆర్ నాగరాజుకు పట్టం కట్టారని యువజన కాంగ్రెస్ నియోజకవర్గం సోషల్ మీడియా కోఆర్డినేటర్ కుల్ల యాకాంతం స్పష్టం చేశారు. ఎమ్మెల్యేను నేరుగా ఏం చేయలేని కొందరు రాజకీయ పిరికిపందలు మీడియా ద్వారా చిల్లర ఆరోపణలు చేసేందుకు కుట్రలు చేస్తున్నారని ఆయన తీవ్ర ఆగ్రహం వ్యక్తం చేశారు. ఎలాంటి స్వార్థ ప్రయోజనాలు లేకుండా గత మూడు దశాబ్దాలుగా ప్రభుత్వ మరియు ప్రజా సేవలోనే ఉన్న ఎమ్మెల్యే నాగరాజుపై వస్తున్న ఆరోపణలను ఆయన తీవ్రంగా ఖండించారు.
ధనం కాదు జనం అనే నాయకుడు మన నాగరాజు!
యాకాంతం మాట్లాడుతూ.. "ధనం, ధనం అని ప్రజలను మరిచి పాలించిన నేలన జనం జనం అనే నాయకుడు నిలబడి పాలన చేస్తుండడం తట్టుకోలేని కొందరు వ్యక్తులు కుట్రలు చేస్తున్నారు. వారికి సమయం వచ్చినపుడు ప్రజలే తగిన గుణపాఠం చెబుతారు" అని హెచ్చరించారు. నిత్యం అక్రమాల వేదికగా నిలిచిన చోట అవినీతి పేరు లేకుండా చేస్తున్న ప్రజా పాలన ప్రత్యర్థుల భవిష్యత్తు ఆశలను తుడిపేస్తోందని, అది చూసి తట్టుకోలేకే అవినీతి మరకలు అంటించాలని చూస్తున్నారని మండిపడ్డారు.
వేవ్ లో గెలవలేదు.. కమిట్మెంట్ ఉన్నవారికే పదవులిచ్చారు!
ప్రజా ఆశీర్వాదంతోనే విజయం: సామాన్య ప్రజలకు సంక్షేమాన్ని అందించడం ఓర్చుకోలేని కొందరు దుర్మార్గులు రేవంత్ రెడ్డి వేవ్ లో గెలిచాడని పనికిరాని ఆరోపణలు చేస్తూ ప్రజా తీర్పును అపహాస్యం చేస్తున్నారని యాకాంతం ధ్వజమెత్తారు. మీరు గెలిస్తే గెలుపు, వేరే వాళ్ళు గెలిస్తే వేవ్ అనడం ప్రత్యర్థుల సంకుచిత మనస్తత్వానికి సంకేతమన్నారు.
కార్యకర్తలకే నామినేటెడ్ పదవులు: నియోజకవర్గంలో వచ్చిన నామినేటెడ్ పదవులు, వాటికి కేటాయించిన వ్యక్తుల జీవితాలు తెలుసుకుంటే డబ్బుల ఆరోపణలు చేస్తున్న వ్యక్తులే తప్పు ఒప్పుకుంటారని యాకాంతం దుయ్యబట్టారు. దశాబ్ద కాలంగా ఎన్ని ఒత్తిళ్లు వచ్చినా కాంగ్రెస్ పార్టీని నమ్ముకుని ఉన్న కటిక పేద, సాధారణ కార్యకర్తలకే ఎమ్మెల్యే కేఆర్ నాగరాజు పదవులు ఇచ్చి గౌరవించారని గుర్తు చేశారు. ఆర్థిక బలాన్ని చూడకుండా పార్టీపై కమిట్మెంట్ ఉన్న నేతలను ఎంచుకొని కార్యకర్తల అభీష్టం మేరకే అవకాశాలు ఇస్తున్నారని, ఇప్పటికైనా క్షేత్రస్థాయిలో నిజాలను తెలుసుకుని మాట్లాడాలని ఇటీవల దుష్ప్రచారం చేసిన ఒక మీడియా ఛానల్‌కు ఆయన సూచించారు.
చివరగా..
రాజకీయాల్లో ఆరోపణలు చేయడం సహజమే అయినా, వాటికి తగిన ఆధారాలు చూపించనంత కాలం అవి కేవలం బురదజల్లే రాజకీయాలుగానే మిగిలిపోతాయి. వర్ధన్నపేటలో ఎమ్మెల్యే కేఆర్ నాగరాజు అవినీతి రహిత పాలన అందిస్తున్నారని యువజన కాంగ్రెస్ గట్టిగా సమర్థిస్తోంది. దశాబ్దాలుగా పార్టీని నమ్ముకున్న సాధారణ కార్యకర్తలకు నామినేటెడ్ పదవులలో ప్రాధాన్యత ఇవ్వడం నిజంగా హర్షణీయం. ప్రతిపక్షాలు చేస్తున్న ఈ ఆరోపణలపై క్షేత్రస్థాయిలో ప్రజలే నిజానిజాలు తేల్చాలి!
Tags : Wardhannapet MLA KR Nagaraju 2026, Kulla Yakantham Press Meet, Youth Congress Warangal Updates, Newspage Regional News
మమ్మల్ని ఫాలో అవ్వండి