- సంగారెడ్డి జెడ్పీ కార్యాలయం వద్ద..
- మహాత్మా గాంధీ విగ్రహానికి ఘన నివాళులు..
- అహింసా మార్గమే శరణ్యమన్న నేతలు!
సంగారెడ్డి బ్యూరో, న్యూస్ పేజ్ :
జాతిపిత మహాత్మా గాంధీ జయంతి వేడుకలను సంగారెడ్డి జిల్లా కేంద్రంలో గురువారం అత్యంత వైభవంగా నిర్వహించారు. ఇందులో భాగంగా సంగారెడ్డి జిల్లా పరిషత్ (జెడ్పీ) కార్యాలయ ప్రాంగణంలో కొలువుదీరిన మహాత్మా గాంధీ విగ్రహానికి బీఆర్‌ఎస్ (టీఆర్ఎస్) సంగారెడ్డి నియోజకవర్గ ఇన్‌ఛార్జ్ కలబ్గూర్ దయాకర్ రెడ్డి పూలమాలలు వేసి చేతులెత్తి మొక్కుతూ ఘనంగా నివాళులర్పించారు. ఈ సందర్భంగా ఆయన పార్టీ శ్రేణులతో కలిసి బాపూజీ దేశానికి చేసిన అమూల్యమైన సేవలను మరియు స్వాతంత్య్ర సమర త్యాగాలను స్మరించుకున్నారు.
సత్యం, అహింస మార్గాలు నేటి సమాజానికి ఆదర్శనీయం
ఈ కార్యక్రమానికి ముఖ్య అతిథిగా బీఆర్‌ఎస్ (టీఆర్ఎస్) పార్లమెంట్ ఇన్‌ఛార్జ్ ఎం. శ్రీనివాస్ రెడ్డి విచ్చేసి బాపూజీ విగ్రహానికి పూల నివాళులు అర్పించారు. ఈ సందర్భంగా నాయకులు మాట్లాడుతూ.. జాతిపిత చూపిన సత్యం, అహింసా మార్గాలు నేటి సమాజానికి ఎంతో ఆదర్శనీయమని, ఆయన ఆశయ సాధనకు ప్రతి ఒక్కరూ నిరంతరం కృషి చేయాలని పిలుపునిచ్చారు. బాపూజీ కలలుగన్న సామాజిక సమరసత, సమానత్వం కోసం ప్రతి ఒక్కరూ బాధ్యతగా అడుగులు వేయాలని స్పష్టం చేశారు.
• భారీగా తరలివచ్చిన గులాబీ శ్రేణులు
బీఆర్‌ఎస్ (టీఆర్ఎస్) యువ నాయకులు చింద్రిక కరుణాకర్ గుప్తా ఆధ్వర్యంలో అత్యంత ప్రతిష్టాత్మకంగా నిర్వహించిన ఈ కార్యక్రమంలో పార్టీ సీనియర్ నాయకులు కృష్ణా గుప్తా, గోపాల్ రెడ్డి, వాజిద్, మనోజ్ రెడ్డి పాల్గొని అంజలి ఘటించారు. వీరితో పాటు రజనీకాంత్, రాహుల్ యాదవ్, అనుప్ రెడ్డి, సాయికాంత్ గౌడ్, ప్రదీప్, గుజ్జరి రామకృష్ణ తదితర ముఖ్య నాయకులు, అనుబంధ విభాగాల ప్రతినిధులు మరియు భారీ సంఖ్యలో గులాబీ పార్టీ కార్యకర్తలు తరలివచ్చి బాపూజీకి ఘన అంజలి ఘటించారు.
మమ్మల్ని ఫాలో అవ్వండి