- విజయ్ కుమార్‌ను శాలువాతో సత్కరించి..
- ఆశీర్వదించిన ఎమ్మెల్యే చింతా ప్రభాకర్
- బిఆర్ఎస్ ముఖ్య నేతలు, కార్యకర్తల సమక్షంలో
- ఉత్సాహంగా సాగిన పుట్టినరోజు వేడుకలు
సదాశివపేట, న్యూస్ పేజ్:
నియోజకవర్గంలో బీఆర్ఎస్ పార్టీ బలమైన నాయకులు నాగుల విజయ్ కుమార్ జన్మదిన వేడుకలు కార్యకర్తలు, అభిమానుల హోరెత్తే నినాదాలు, సంబరాల నడుమ అత్యంత ప్రతిష్ఠాత్మకంగా, వైభవంగా జరిగాయి. ఈ సంబరాల్లో స్థానిక ఎమ్మెల్యే శ్రీ చింతా ప్రభాకర్ ముఖ్య అతిథిగా పాల్గొని, నాగుల విజయ్ కుమార్‌కు ఆత్మీయంగా శాలువా కప్పి ఘన సన్మానం చేశారు. అనంతరం స్వహస్తాలతో మిఠాయి తినిపించి హృదయపూర్వక జన్మదిన శుభాకాంక్షలు అందజేశారు.
ఈ సందర్భంగా ఎమ్మెల్యే మాట్లాడుతూ.. "విజయ్ కుమార్ నిండు నూరేళ్లు సంపూర్ణ ఆయురారోగ్యాలు, విజయాలతో వర్ధిల్లాలి. భవిష్యత్తులో ప్రజాసేవలో సరికొత్త శిఖరాలను అధిరోహిస్తూ ఇలాంటి ఘనమైన జన్మదిన వేడుకలు మరెన్నో జరుపుకోవాలి" అని మనస్ఫూర్తిగా దీవించారు. ఈ వేడుకలకు బీఆర్ఎస్ ముఖ్య నేతలు చింత సాయినాథ్, దిడిగి నగేష్, సగ్గం రాములు, మంచిగారి ఆంజనేయులు, రాము, ఫయాజ్, నరేష్, బబ్లుతో పాటు భారీ సంఖ్యలో పార్టీ శ్రేణులు, యువజన నాయకులు, అభిమానులు తరలివచ్చి నాగుల విజయ్ కుమార్‌పై పూలవర్షం కురిపిస్తూ శుభాకాంక్షల వెల్లువ కురిపించారు.
Tags: Newspage, Sadashivapet News, Nagula Vijay Kumar Birthday, Chinta Prabhakar BRS, Sadasivpet BRS Youth Leader, Sangareddy Political Celebrations
మమ్మల్ని ఫాలో అవ్వండి