- ప్రత్యేక పూజలు నిర్వహించి ప్రారంభించిన పులిమామిడి రాజు!
- గ్రామ ప్రజల ఐకమత్యమే ప్రగతికి బాటలు వేస్తుందన్న సంగారెడ్డి నేత..
- లక్కీ డ్రా విజేతలకు సైకిల్ బహూకరణ.
మద్దికుంట, అక్టోబర్ 24, న్యూస్ పేజ్ :
సంగారెడ్డి నియోజకవర్గ పరిధిలోని మద్దికుంట గ్రామంలో దేవి నవరాత్రుల ఉత్సవాల ముగింపు సందర్భంగా దుర్గాదేవి నిమజ్జనోత్సవ మహోత్సవ కార్యక్రమాన్ని భక్తిశ్రద్ధలతో, అత్యంత ఘనంగా నిర్వహించారు. ఈ ఆధ్యాత్మిక ముగింపు వేడుకలకు ముఖ్య అతిథిగా సంగారెడ్డి ఎమ్మెల్యే కాంటెస్టెడ్ అభ్యర్థి పులిమామిడి రాజు హాజరయ్యారు. ఈ సందర్భంగా ఆయన దుర్గామాత మండపంలో దేవికి ప్రత్యేక ముగింపు పూజలు, హారతులు నిర్వహించి, భక్తుల జయజయధ్వానాల నడుమ నిమజ్జనోత్సవ ఊరేగింపు కార్యక్రమాన్ని అధికారికంగా ప్రారంభించారు. ఈ వేడుకల్లో మద్దికుంట గ్రామ సర్పంచ్ దేవి సింగ్, స్థానిక ప్రజాప్రతినిధులు మరియు భవానీ మాత అసోసియేషన్ సభ్యులు పెద్ద సంఖ్యలో పాల్గొన్నారు.
ఉత్సవాలలో భాగంగా దుర్గామాత సన్నిధిలో భక్తుల ఉత్సాహాన్ని పెంపొందించేందుకు గ్రామస్తులు ప్రత్యేకంగా ఏర్పాటు చేసిన లక్కీ డ్రాను పులిమామిడి రాజు చేతుల మీదుగా నిర్వహించారు. ఈ లక్కీ డ్రాలో విజేతలుగా నిలిచిన మన్నె పద్మ–క్రిష్ణ దంపతులకు ఆయన బహుమతిగా సైకిల్‌ను అందజేశారు. భక్తుల కోసం ఎలాంటి లోటుపాట్లు లేకుండా చక్కటి మౌలిక ఏర్పాట్లు చేసి, నవరాత్రి ఉత్సవాలను అత్యంత క్రమశిక్షణతో విజయవంతంగా నిర్వహించిన మద్దికుంట భవానీ మాత అసోసియేషన్ నిర్వాహకులను, యువకులను ఆయన ప్రత్యేకంగా అభినందించారు.
ఈ సందర్భంగా పులిమామిడి రాజు మాట్లాడుతూ.. గ్రామ ప్రజలందరూ కులమతాలకు అతీతంగా ఒకే చోట చేరి పూర్తి ఐకమత్యంతో పండుగను జరుపుకోవడం తనకు ఎంతో సంతోషాన్ని కలిగించిందని అన్నారు. బతుకమ్మ, దసరా వంటి పండుగలు పల్లె ప్రజల మధ్య సోదరభావాన్ని, ప్రాంతీయ ఐక్యతను మరింత బలోపేతం చేస్తాయని పేర్కొన్నారు. గ్రామ ప్రజలందరూ ఐకమత్యంగా ఉంటే ఎలాంటి అభివృద్ధి లక్ష్యాన్నైనా సులభంగా సాధించవచ్చని, గ్రామాల ప్రగతికి ప్రతి ఒక్కరూ రాజకీయాలకు అతీతంగా కలిసికట్టుగా కృషి చేయాలని సూచించారు. భవిష్యత్తులోనూ గ్రామంలో ఇలాంటి మరిన్ని ఆధ్యాత్మిక, సామాజిక కార్యక్రమాలు నిర్వహించాలని ఆకాంక్షించారు.
Tags : newspage news, Maddikunta Durga Nimajjanam, Pulimamidi Raju Lucky Draw, Sangareddy Rural Festivals
మమ్మల్ని ఫాలో అవ్వండి