- అక్టోబర్ 9న జరగాల్సిన పరీక్ష వాయిదా..
- అక్టోబర్ 10న ఉదయం 10 గంటల నుండి నిర్వహణ..
- పరీక్షల నియంత్రణ అధికారి ఆచార్య రాజేందర్ కట్ల వెల్లడి!
వరంగల్ బ్యూరో, న్యూస్ పేజ్:
కాకతీయ విశ్వవిద్యాలయం (KU) పరిధిలోని దూరవిద్య కేంద్రం (CDOE) విద్యార్థులకు కీలక ప్రకటన వెలువడింది. ఈ నెల అక్టోబర్ 9వ తేదీన నిర్వహించాల్సిన పీజీ మూడవ సెమిస్టర్ పరీక్షను అనివార్య కారణాల వల్ల వాయిదా వేసినట్లు విశ్వవిద్యాలయ పరీక్షల నియంత్రణ అధికారి ఆచార్య రాజేందర్ కట్ల ఒక అధికారిక ప్రకటనలో తెలిపారు.
వాయిదా పడిన ఈ పీజీ పరీక్షను మరుసటి రోజు, అంటే అక్టోబర్ 10వ తేదీన (శనివారం) ఉదయం 10.00 గంటల నుంచి మధ్యాహ్నం 1.00 గంటల వరకు యథావిధిగా నిర్వహించనున్నట్లు ఆయన స్పష్టం చేశారు.
అయితే, కేవలం అక్టోబర్ 9న జరగాల్సిన పరీక్ష తేదీలో మాత్రమే మార్పు ఉందని.. మిగిలిన పేపర్ల పరీక్షా షెడ్యూల్‌లో ఎలాంటి మార్పులు లేవని అధికారులు పేర్కొన్నారు. అదేవిధంగా ముందే కేటాయించిన పరీక్షల సమయాలు, పరీక్షా కేంద్రాల్లో కూడా ఎటువంటి మార్పులు ఉండవని, పాత కేంద్రాల్లోనే పరీక్షలు జరుగుతాయని స్పష్టం చేశారు. కేయూ దూరవిద్య పీజీ మూడవ సెమిస్టర్ విద్యార్థులందరూ ఈ మార్పును గమనించి, తదనుగుణంగా సవరించిన తేదీ ప్రకారం పరీక్షలకు హాజరు కావాలని ఆచార్య రాజేందర్ కట్ల సూచించారు.
Tags: Kakatiya University PG Exams Postponed 2026, KU CDOE 3rd Sem Exam Dates, Prof Rajender Katla KU Weather, Newspage Education News
మమ్మల్ని ఫాలో అవ్వండి