కందికొండ రాజ్ కుమార్, ఎడిటర్
- మన 'న్యూస్ పేజ్' దినపత్రికలోని నేటి (బుధవారం, 23 సెప్టెంబర్ 2026) ముఖ్యమైన ఆర్థిక, అంతర్జాతీయ, క్రీడా మరియు సినిమా వార్తా విశేషాల సమగ్ర విశ్లేషణ..
బ్యానర్ :
- వెళ్లిరావయ్యా గణపయ్యా - గంగమ్మ ఒడికి చేరిన ఖైరతాబాద్ మహా గణనాథుడు: నవరాత్రుల పాటు కోట్లాదిమంది భక్తుల పూజలందుకున్న హైదరాబాద్ ఖైరతాబాద్ బడా గణేష్ నిమజ్జన ప్రక్రియ శుక్రవారం మధ్యాహ్నం 2:15 గంటలకు హుస్సేన్‌సాగర్‌లో అత్యంత వైభవంగా, ప్రశాంతంగా ముగిసింది. ఎన్టీఆర్ మార్గ్‌లో ఏర్పాటు చేసిన భారీ క్రేన్ నంబర్ 4 సహాయంతో అధికారులు ఈ చారిత్రాత్మక ఘట్టాన్ని విజయవంతంగా పూర్తి చేశారు. లక్షలాది మంది భక్తుల "గణపతి బప్పా మోరియా.. అగ్లే బరస్ తూ జల్దీ ఆ" జయజయధ్వానాలతో సాగరం మార్మోగింది.
జాతీయ & ఆర్థిక విశేషాలు:
- దేశంలో తొలిసారిగా తగ్గుతున్న గ్యాస్ వాడకందార్లు : గడిచిన దశాబ్ద కాలంలో తొలిసారిగా దేశంలో గృహ వినియోగ ఎల్పీజీ కనెక్షన్ల సంఖ్య గణనీయంగా తగ్గింది. 2026 ఏప్రిల్ నుంచి సెప్టెంబర్ మొదటివారం మధ్య సుమారు 62 లక్షల యాక్టివ్ గ్యాస్ కనెక్షన్లు తగ్గినట్లు గణాంకాలు వెల్లడిస్తున్నాయి. అమెరికా-ఇరాన్ యుద్ధ వాతావరణం, ఎల్పీజీ దిగుమతుల అంతరాయం మరియు బయోమెట్రిక్ తనిఖీలే ఇందుకు ప్రధాన కారణాలు.
- వంట నూనెల ధరలపై కేంద్రం కీలక ఆదేశాలు - ఆయిల్ సంస్థలకు వార్నింగ్ : పండుగల సీజన్ ప్రారంభమవుతున్న తరుణంలో మార్కెట్లో కృత్రిమ కొరత సృష్టించి వంట నూనెల ధరలను ఇష్టారాజ్యంగా పెంచితే సహించేది లేదని చమురు తయారీ, ప్రాసెసింగ్ సంస్థలకు కేంద్ర ప్రభుత్వం కఠిన హెచ్చరికలు జారీ చేసింది.
- బ్యాంకు సమ్మె వేళ ఎస్బీఐ ఊరట - ఏటీఎం ఛార్జీలు రద్దు : యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) సెప్టెంబర్ 28 నుంచి 30 వరకు పిలుపునిచ్చిన మూడు రోజుల సమ్మె నేపథ్యంలో ఎస్బీఐ తన ఖాతాదారులకు ఊరటనిచ్చింది. సమ్మె కాలంలో ఏ బ్యాంకు ఏటీఎం వాడినా ఎలాంటి అదనపు ఛార్జీలు ఉండవని స్పష్టం చేసింది.
రాష్ట్ర & ప్రాంతీయ వార్తలు:
ఆకస్మిక వరదల్లో కొట్టుకుపోయిన ఎమ్మెల్యే కూన రవికుమార్, కలెక్టర్, ఎస్పీ : బంగాళాఖాతంలో వాయుగుండం దాటికి ఉత్తరాంధ్రలో కురిసిన కుండపోత వర్షాల వల్ల శ్రీకాకుళం జిల్లాలో వరద పరిస్థితులను సమీక్షిస్తున్న టీడీపీ ఎమ్మెల్యే కూన రవికుమార్, జిల్లా కలెక్టర్, ఎస్పీలు ఒక్కసారిగా వరద ప్రవాహంలో కొట్టుకుపోయారు. వెంటనే రంగంలోకి దిగిన ఎన్డీఆర్ఎఫ్ బృందాలు లైఫ్ బోట్ల సహాయంతో వారిని సురక్షితంగా రక్షించాయి.
శంఖవరం రోడ్ల అభివృద్ధికి రూ.1.50 కోట్లు మంజూరు : ప్రతిపాడు ఎమ్మెల్యే వరుపుల సత్యప్రభ రాజా, మంత్రి నారా లోకేష్ సహకారంతో శంఖవరం గ్రామంలో దెబ్బతిన్న ప్రధాన రహదారుల అభివృద్ధికి రూ.1.50 కోట్లు మంజూరైనట్లు టీడీపీ రాష్ట్ర కార్యదర్శి పర్వత సురేష్ విలేకరుల సమావేశంలో వెల్లడించారు.
సాంకేతికత & సినిమా విశేషాలు:
ఏఐకి ఏఐతో శిక్షణ - కాంట్రాక్ట్ ఉద్యోగులపై ఓపెన్ఏఐ చర్యలు: చాట్ జీపీటీ మోడళ్లకు మానవ స్పందనల ఆధారంగా శిక్షణ ఇవ్వడానికి నియమించిన కొందరు కాంట్రాక్ట్ ఉద్యోగులు, మనుషులు చేయాల్సిన సమీక్ష పనులను ఏఐ (AI) తోనే చేయిస్తున్నట్లు గుర్తించి ఓపెన్ఏఐ వారిపై కఠిన చర్యలు తీసుకుంది.
మొదటి రోజే రూ.88 కోట్ల గ్రాస్ - 'ది ప్యారడైజ్' బాక్సాఫీస్ రికార్డ్: నేచురల్ స్టార్ నాని, శ్రీకాంత్ ఓదెల కాంబినేషన్‌లో వచ్చిన 'ది ప్యారడైజ్' చిత్రం ప్రపంచవ్యాప్తంగా మొదటి రోజే ఏకంగా రూ.88 కోట్లకు పైగా గ్రాస్ వసూలు చేసి నాని కెరీర్‌లోనే ఆల్-టైమ్ బిగ్గెస్ట్ ఓపెనింగ్ రికార్డు సృష్టించింది.
డాక్టర్ మన్మోహన్ సింగ్‌కు 'భారత రత్న' ఇవ్వాలి: భారతదేశ ఆర్థిక సంస్కరణల పితామహుడు, మాజీ ప్రధాని డాక్టర్ మన్మోహన్ సింగ్ 94వ జయంతి సందర్భంగా గచ్చిబౌలి విప్రో సర్కిల్ వద్ద ఆయన కాంస్య విగ్రహాన్ని ప్రతిష్టించారు. ఆయనకు భారత రత్న ప్రకటించాలని సీనీయర్ కాంగ్రెస్ నేత కొలిపాక శ్రీనివాస్ డిమాండ్ చేశారు.
ఫుల్ పేపర్ కోసం.. E-Paper ట్యాబ్ ను చూడండి. (లేదా) కింది లింక్ ద్వారా ఓపెన్ చేయండి. https://www.newspage.co.in/p/today-e-paper.html
Tags : Newspage, Newspage Telugu E-Paper, Telugu E-Paper Today, Today Telugu News Headlines, 26 September 2026 E-Paper
మమ్మల్ని ఫాలో అవ్వండి