- కూటమి నాయకులకు ఎమ్మెల్యే పంచకర్ల రమేష్ బాబు సూచన!
పెందుర్తి, విశాఖపట్నం బ్యూరో, న్యూస్పేజ్ :
పెందుర్తి మండలంలోని 15 గ్రామ పంచాయతీలను మహా విశాఖ నగర పాలక సంస్థలో విలీనం చేసేందుకు ప్రభుత్వం చేపడుతున్న ప్రక్రియకు కూటమి నాయకులు, కార్యకర్తలు పూర్తి స్థాయిలో సహకరించాలని జనసేన పార్టీ ఉమ్మడి విశాఖపట్నం రూరల్ జిల్లా అధ్యక్షులు, పెందుర్తి నియోజకవర్గ ఎమ్మెల్యే పంచకర్ల రమేష్ బాబు సూచించారు.
సుజాతనగర్ క్యాంపు కార్యాలయంలో కీలక సమీక్ష
సోమవారం సుజాతనగర్లోని ఎమ్మెల్యే క్యాంపు కార్యాలయంలో పెందుర్తి మండలానికి చెందిన ఉమ్మడి ఎస్టీపీఐ కూటమి నాయకులతో ఎమ్మెల్యే పంచకర్ల రమేష్ బాబు ఒక ముఖ్యమైన సమీక్షా సమావేశాన్ని నిర్వహించారు. ఈ సందర్భంగా ఆయన మాట్లాడుతూ.. పెందుర్తి మండలంలోని 15 గ్రామ పంచాయతీలను జీవీఎంసీలో విలీనం చేసే అంశంపై నాయకులతో సుదీర్ఘంగా చర్చించారు. జీవీఎంసీలో గ్రామాలు విలీనం కావడం వల్ల ఆయా ప్రాంతాల రూపురేఖలు పూర్తిగా మారడమే కాకుండా, సమగ్ర అభివృద్ధికి మరిన్ని అవకాశాలు మెరుగవుతాయని ఎమ్మెల్యే స్పష్టం చేశారు. ప్రస్తుతం గ్రామాల్లో నిధుల కొరత కారణంగా నిలిచిపోయిన ఎన్నో అభివృద్ధి పనులను, జీవీఎంసీలో విలీనం చేయడం ద్వారా మౌలిక వసతుల కల్పనతో వేగంగా పూర్తి చేయవచ్చని వివరించారు.
తీర్మానాల సాధనే లక్ష్యం.. రూ. 50 కోట్ల నిధులు
ఇప్పటికే భీమిలి నియోజకవర్గంలో ఎమ్మెల్యే గంటా శ్రీనివాసరావు గ్రామాల్లో విలీనానికి అనుకూలంగా తీర్మానాలు చేయిస్తున్నారని పంచకర్ల రమేష్ బాబు గుర్తు చేశారు. అదే విధంగా పెందుర్తి నియోజకవర్గంలోని 15 గ్రామాల్లో కూడా గ్రామసభల ద్వారా తీర్మానాలు చేయించేందుకు కూటమి నాయకులు సమన్వయంతో కృషి చేయాలని కోరారు. గత రెండున్నరేళ్లలో ఒక్కో వార్డుకు రూ. 50 కోట్లకు పైగా నిధులు సాధించి ఎన్నో అభివృద్ధి కార్యక్రమాలు చేపట్టామని ఎమ్మెల్యే వివరించారు. జీవీఎంసీలో విలీనం ద్వారా గ్రామాలకు మరింత మెరుగైన మౌలిక వసతులు, సమగ్ర వృద్ధి అందుబాటులోకి వస్తాయని భరోసా ఇచ్చారు.
సమావేశంలో పాల్గొన్న ముఖ్య నాయకులు
ఈ నియోజకవర్గ స్థాయి సమీక్షా కార్యక్రమంలో మండల ప్రజా పరిషత్ అధ్యక్షురాలు శ్రీమతి మాలతీ నవ్య, స్మార్ట్ సిటీ కార్పొరేషన్ డైరెక్టర్ మడక పార్వతి, సింహాచలం దేవస్థానం ట్రస్ట్ బోర్డు సభ్యులు సిరపల్లి మహేష్, కరక దేముడు, వెంకటాద్రి సెంట్రల్ డ్రైవర్స్ కౌన్సిల్ సుందర్ రావు, పెందుర్తి మండల పార్టీ అధ్యక్షులు కొరుబోలు రాము నాయుడు, కనకరాజు, సీనియర్ నాయకులు బి.ఎన్ రాజు, పెందుర్తి ఎంపీపీ వైస్ చైర్మన్ గుర్రాల స్వామినాయుడు, ఎంపీటీసీలు గెల్లపల్లి రమణ, గండి హేమబిందు మురళీ రావు, సయ్యద్ రాజా, స్వప్న, గిరి, ముడక శివ, సండిపద్మ, ఉప్పల రాజు, కూటమి నాయకులు బయటపూడి హరినాథ్, షేక్ రెహమాన్, మడక బంగారరాజు, బొడ్డు అప్పలరాజు, సదరం భీమేశ్వరరావు, అక్కిరెడ్డి నరసింహమూర్తి తదితర పెందుర్తి మండలం ఉమ్మడి ఎస్టీపీఐ కూటమి నాయకులు, కార్యకర్తలు, మహిళలు పెద్ద సంఖ్యలో పాల్గొన్నారు.
మమ్మల్ని ఫాలో అవ్వండి