- ఆపరేషన్ ఎకనామిక్ అవుట్కాస్ట్ క్యాంపెయిన్ మొదలు..
- నాలుగు కంపెనీలపై ఆంక్షల దెబ్బ! బలి అయిన మన కంపెనీలు..
- పోర్టీస్ పార్ట్నర్స్, సదాశివ ఓవర్సీస్ లిమిటెడ్, పీపీ సాఫ్ట్టెక్ ప్రైవేట్ లిమిటెడ్, ప్రకృతి ఇన్ఫ్రా ఇంపెక్స్ ఇండియా ప్రైవేట్ లిమిటెడ్
- ఈ 'ఆపరేషన్ ఎకనామిక్ అవుట్కాస్ట్' అంటే ఏంది? ఇప్పుడు చూద్దాం ..
ఢిల్లీ బ్యూరో, న్యూస్ పేజ్ :
గిప్పుడు గ్లోబల్ లెవెల్లా ఒక పెద్ద ముచ్చట నడుస్తాంది. అదేందంటే.. మన గల్లీల ఉండే కంపెనీలకు అమెరికా సర్కార్ గట్టి షాకే ఇచ్చింది. ఇరాన్ దేశంతోని ఆయిల్, పెట్రోకెమికల్ బిజినెస్ నడిపిస్తున్నారనే నెపంతోని మన భారతదేశానికి చెందిన నలుగురు కంపెనీలు, అట్లనే ముగ్గురు వ్యక్తుల మీద డొనాల్డ్ ట్రంప్ సర్కార్ ఆంక్షలు విధించింది. గీ ముచ్చటను అమెరికా స్టేట్ డిపార్ట్మెంట్ గిప్పుడు అఫీషియల్గా బయటపెట్టింది.
అసలు కథేంది? ఈ 'ఆపరేషన్ ఎకనామిక్ అవుట్కాస్ట్' అంటే ఏంది?
అమెరికా గిప్పుడు ఇరాన్ దేశాన్ని ఆర్థికంగా దెబ్బకొట్టాలని గట్టి పంతం పట్టింది. అందుకోసమే వాళ్లు కొత్తగా ‘ఆపరేషన్ ఎకనామిక్ అవుట్కాస్ట్’ అనే ఒక పెద్ద క్యాంపెయిన్ మొదలుపెట్టిండ్రు. ఇరాన్ సర్కార్కు వచ్చే పైసల మార్గాలన్నింటినీ బంద్ జేయాలనేదే గీ ప్లాన్. అమెరికా ట్రెజరీ సెక్రటరీ స్కాట్ బెస్సెంట్ గీ ముచ్చట చెప్తూ.. "ఇరాన్ చుట్టూ ఆర్థికంగా ఉచ్చు బిగిస్తున్నాం, ఇదొక ఎకనామిక్ డి-డే లాంటిది" అని అన్నాడు. గందుకే ఇరాన్తోని ఏ రకమైన బిజినెస్ చేసినా ఊరుకునేది లేదని, వేరే దేశాల కంపెనీల మీద కూడా యాక్షన్ తీసుకుంటామని హెచ్చరిస్తాండ్రు.
- బలి అయిన మన కంపెనీలు గివే..
- అమెరికా బ్లాక్ లిస్ట్ ల పెట్టిన ఆ నాలుగు భారతీయ కంపెనీల పేర్లు గివే:
- పోర్టీస్ పార్ట్నర్స్ LLP (Portease Partners LLP)
- సదాశివ ఓవర్సీస్ లిమిటెడ్ (Sadashiva Overseas Ltd)
- పీపీ సాఫ్ట్టెక్ ప్రైవేట్ లిమిటెడ్ (PP Softtech Pvt Ltd)
- ప్రకృతి ఇన్ఫ్రా ఇంపెక్స్ ఇండియా ప్రైవేట్ లిమిటెడ్ (Prakrutees Infra Impex India Pvt Ltd)
ఈ కంపెనీలతోని పాటు ప్రశాంత్ గార్గ్, ఇద్రిస్మియా అష్రాఫ్మియా షేక్, హరీష్ రాంచంద్ర రంగి అనే ముగ్గురు భారతీయుల మీద కూడా ఈ బ్యాన్ పడింది. వీళ్లంతా కలిసి దాదాపు 119 మిలియన్ డాలర్ల విలువైన ఇరాన్ ఆయిల్ బిజినెస్లా భాగస్వాములు అయ్యిండ్రని అమెరికా ఆరోపిస్తాంది.
ఈ ఆంక్షల వల్ల ఏమైతది? మనోళ్లకు వచ్చే నష్టమేంది?
ఈ ఆంక్షలు పడ్డంక గీ కంపెనీలకు తిప్పలు తప్పవు. వీళ్లకు అమెరికాల ఏమన్నా ఆస్తులు ఉంటే అవన్నీ ఫ్రీజ్ అయిపోతాయి. అట్లనే అమెరికా వాళ్లతోని గాని, అక్కడ ఉండే కంపెనీలతోని గాని వీళ్లు ఎలాంటి లావాదేవీలు చేయడానికి వీలుండదు. గిదే కాకుండా, గ్లోబల్ లెవెల్లా వేరే దేశాల కంపెనీలు కూడా వీళ్లతోని బిజినెస్ చేయాలంటే గజగజ వణుకుతాయి. దీనివల్ల ఇండియా నుంచి ఇరాన్కు జరిగే ఎగుమతులు, ముఖ్యంగా దుబాయ్ మీదుగా జరిగే ట్రేడ్ అంతా ఆగమైపోయే ఛాన్స్ ఉందని బిజినెస్ లీడర్లు అంటాండ్రు.
మొత్తానికి ట్రంప్ సర్కార్ తీసుకున్న గీ నిర్ణయం గిప్పుడు వరల్డ్ వైడ్గా పెద్ద దుమారమే లేపుతాంది. మన దేశ ఎకానమీ మీద, ఇరాన్తో మనకున్న దోస్తానా మీద గిది ఎలాంటి ఎఫెక్ట్ చూపిస్తదో మున్ముందు చూడాలె!
మమ్మల్ని ఫాలో అవ్వండి