ఇప్పుడు బంగారం కొనొచ్చా?

మార్కెట్ లో ధరల పరుగు ఎలా ఉంది.
గడిచిన వారం రోజుల్ల పసిడి ట్రెండ్ ఎట్లుంది?
న్యూస్ పేజ్ ప్రత్యేక కథనం..

బిజినెస్ బ్యూరో, న్యూస్ పేజ్ :

పెళ్లిళ్ల సీజన్ వస్తుందంటే చాలు... మధ్యతరగతి ఇండ్లల్ల ఆడబిడ్డలు, పెద్దమనుషులు జరంత బంగారం కొని పెట్టుకుందామని చూస్తారు. కానీ, ఈ మధ్యల బంగారం ధరలు చూస్తే గుండె గుభేల్ మంటున్నది. రోజుకో తీరుగా మారుకుంటా సామాన్యుడికి అందుతలేనంత ఎత్తుకు ఎగిసిపోతున్నయి. ఈ తరుణంలో అస్సలు ఇప్పుడు బంగారం కొనొచ్చా? కొంటే లాభమా నష్టమా? అనే లొల్లి అందరి గల్లీల నడుస్తున్నది.

1. మార్కెట్ లో ధరల పరుగు ఎలా ఉంది?

ఇప్పుడు మార్కెట్ లో బంగారం ధరల పరుగు చూస్తే ఉరుకుల గుర్రాన్ని తలపిస్తున్నది. దేశీయంగా, అంతర్జాతీయంగా జరుగుతున్న గొడవల వల్ల పసిడి రేట్లు పైపైకే దూసుకెళ్తున్నయి. అమెరికా ప్రెసిడెంట్ ట్రంప్ భారతీయ దిగుమతులపై 25% సుంకం విధించడంతో వాణిజ్య పరమైన ఉద్రిక్తతలు పెరిగాయి. దీనితోటి ఇన్వెస్టర్లు అంతా షేర్ మార్కెట్లను నమ్మలేక, సేఫ్ హెవెన్ అయిన బంగారం మీద పైసలు కుమ్మరిస్తున్నారు. అందుకే మార్కెట్‌లో డిమాండ్ విపరీతంగా పెరిగి, ధరల పరుగు ఆగడం లేదు.

2. గడిచిన వారం రోజుల్ల పసిడి ట్రెండ్ ఎట్లుంది?

గడిచిన వారం రోజుల్లో మన తెలుగు మార్కెట్‌లో, ముఖ్యంగా హైదరాబాద్‌లో పసిడి రేట్లు ఎట్లా ఊగిసలాడినయో చూస్తే ఆశ్చర్యపోవాల్సిందే. వారం కిందట కాస్త నిలకడగా ఉన్న ధరలు, ఒక్కసారిగా ఆకాశాన్ని తాకి, మళ్లీ వీకెండ్ వచ్చేసరికి జరంత కిందికి దిగివచ్చినయి.

రికార్డుల రాత: వారం మధ్యలో 24 క్యారెట్ల బంగారం ధర 10 గ్రాములకు ఏకంగా రూ. 1,67,000 మార్కును దాటి సరికొత్త రికార్డు సృష్టించింది. దాంతోటి కొనేటోళ్లకు పానాలు పోయినంత పనైంది.
చివర్లో ఊరట: అంతలా పెరిగిన రేట్లు, నిన్న మొన్నటి సంధి జరంత తగ్గు ముఖం పట్టినయి. ప్రస్తుతం 24 క్యారెట్ల శుద్ధ బంగారం ధర రూ. 1,58,240 కి, అలాగే నగలు చేసే 22 క్యారెట్ల బంగారం ధర రూ. 1,45,050 కి దిగివచ్చింది.

ఇప్పుడే కొంచెం కొంచెం కొని..

ఇప్పుడైతే రేట్లు జరంత తగ్గినట్టు అనిపించినా, లాంగ్ టర్మ్‌లో చూస్తే బంగారం ధరలు మళ్లీ పెరిగే అవకాశాలే ఎక్కువ ఉన్నయని మార్కెట్ నిపుణిలు చెప్తున్నారు. అందుకే, మీ ఇంట్లో పెళ్లిళ్లు ఉండి నగల చేయించాలనుకుంటే... రేట్లు ఇంకా తగ్గుతాయని ఎదురుచూడకుండా, ఇప్పుడే కొంచెం కొంచెం కొని పెట్టుకోవడం మంచిది. ఎందుకంటే, బంగారం ఎప్పటికైనా ఆపదలో ఆదుకునే గట్టి పెట్టుబడి.

గమనిక (Disclaimer):

ఈ కథనంలో అందించిన బంగారం, వెండి ధరల సమాచారం కేవలం మీ అవగాహన (Information) కోసం మాత్రమే ఇవ్వబడింది. అంతర్జాతీయ మార్కెట్ హెచ్చుతగ్గులు, స్థానిక పన్నులు (Taxes), మరియు మేకింగ్ ఛార్జీల (Making Charges) ఆధారంగా ప్రతిరోజూ, ప్రతి నగరంలో ధరలు మారుతుంటాయి. ఈ ధరలు వివిధ మార్కెట్ మూలాల నుండి సేకరించబడినవి. కాబట్టి, మీరు బంగారం కొనుగోలు చేసే ముందు లేదా పెట్టుబడి పెట్టే ముందు దయచేసి మీ స్థానిక జ్యువెలర్స్ (Jewellers) లేదా అధికారిక మార్కెట్ రేట్లను ఒకసారి సరిచూసుకోవాల్సిందిగా కోరుచున్నాము. ఈ సమాచారం ఆధారంగా జరిగే ఎలాంటి ఆర్థిక లావాదేవీలకు మరియు నష్టాలకు 'న్యూస్ పేజ్' (NEWSPAGE) బాధ్యత వహించదు.