- కటకటాల్లోకి నెట్టిన వరంగల్ పోలీసులు
- వరుస పెట్టి దొంగతనాలు చేస్తూ పోలీసులకు చుక్కలు..
- 12 లక్షల రూపాయల గంజాయితో పాటు, రూ. 70.19 లక్షల విలువ చేసే 527.9 గ్రాముల బంగారు నగలను, 29,875 రూపాయల రొక్కం రికవరీ..
- కమిషనర్ మేడం ఆదేశాలతో సీక్రెట్ నిఘా..
- పోలీస్ సిబ్బందిని శభాష్ అన్న కమిషనర్
వరంగల్ క్రైమ్, న్యూస్పేజ్ :
వరంగల్ కమిషనరేట్ ఏరియాలా వరుస పెట్టి దొంగతనాలు చేస్తూ పోలీసులకు చుక్కలు చూపిస్తున్న ఒక అంతర్రాష్ట్ర దొంగను మిల్స్ కాలనీ, సీసీఎస్ పోలీసులు కలిసి గట్టిగ ప్లాన్ వేసి పట్టుకున్నారు. నిందితుడి కాడ నుండి సుమారు 12 లక్షల రూపాయల గంజాయితో పాటు, రూ. 70.19 లక్షల విలువ చేసే 527.9 గ్రాముల బంగారు నగలను, 29,875 రూపాయల రొక్కం పైసలను, రెండు సెల్ఫోన్లను పోలీసులు స్వాధీనం చేసుకున్నారు.
కమిషనర్ మేడం ఆదేశాలతో సీక్రెట్ నిఘా..
వరంగల్ పోలీస్ కమిషనరేట్ పరిధిలా ఈ మధ్య కాలంలో వరుసగా దొంగతనాలు జరగడంతో మిల్స్ కాలనీ పోలీస్ స్టేషన్లో కేసులు నమోదైనాయి. ఈ దొంగతనాల వ్యవహారాన్ని సీరియస్గా తీసుకున్న వరంగల్ పోలీస్ కమిషనర్, దొంగలను ఎట్లనైనా పట్టుకోవాలని టాస్క్ఫోర్స్, క్రైమ్ బృందాలను రంగంలోకి దించారు. పోలీసులు గట్టిగ నిఘా పెట్టి, టెక్నాలజీ సాయంతో దొంగల కదలికలను కనిపెట్టారు. ఈ క్రమంలోనే, ఈరోజు పొద్దుగాల అనుమానంగా తిరుగుతున్న ఒక వ్యక్తిని ఆపి గట్టిగ విచారించగా.. మిల్స్ కాలనీ, సీసీఎస్ ఏరియాల్లో జరిగిన పెద్ద పెద్ద దొంగతనాల గుట్టు మొత్తం రట్టయింది.
మహారాష్ట్ర జైలుకు పోయి వచ్చిన మొండి దొంగ
పోలీసోళ్ల విచారణలో అసలు విషయాలు బయటపడ్డాయి. దొంగ పేరు తక్కెళ్ల శ్రీనివాస్ (27) అని, కష్టపడకుండా ఈజీగా పైసలు సంపాదించాలనే తిక్కతో దొంగతనాలు అలవాటు చేసుకున్నాడని తెలిసింది. వీని మీద గతంలో మహారాష్ట్రలా కూడా ఎన్నో చోరీ కేసులు ఉన్నాయి. 2024, 2025 ఏండ్లలో మహారాష్ట్ర జైలులా చిప్పకూడు తిని, బెయిల్ మీద బయటకొచ్చిండు. జైలుకు పోయినా వీని బుద్ధి మారలేదు సరికదా.. ఇంకొంతమందితో కలిసి గ్యాంగ్ కట్టిండు. వరంగల్ ఏరియాలోని ఎస్.ఆర్.ఆర్ నగర్ లాంటి కాలనీల్లో తాళాలు వేసి ఉన్న ఇండ్లను టార్గెట్ చేసి, చీకటి పడగానే తాళాలు పగలగొట్టి దొంగతనాలకు పాల్పడేవాడని పోలీసులు చెప్పారు.
పోలీస్ సిబ్బందికి శభాష్ అన్న కమిషనర్
పక్కా ప్లాన్తో అంతర్రాష్ట్ర దొంగను అడ్డంగా బుక్ చేసి, భారీ ఎత్తున దొంగతనం సొత్తును రికవరీ చేసిన పోలీస్ ఆఫీసర్లను, సిబ్బందిని వరంగల్ పోలీస్ కమిషనర్ సార్ ప్రత్యేకంగా అభినందించిండ్రు. ఈ ఆపరేషన్లో దొంగను పట్టుకోవడంలో ముందంజలో ఉన్న సీసీఎస్ ఇన్స్పెక్టర్ సురేష్, మిల్స్ కాలనీ ఇన్స్పెక్టర్ సృజన్ కుమార్, ఎస్.ఐ మాధవ్, ఏ.ఎస్.ఐ సల్మాన్ పాషాలతో పాటు బ్రీఫింగ్ టీమ్ సిబ్బందికి రివార్డులు కూడా ప్రకటించారు.
మమ్మల్ని ఫాలో అవ్వండి