- పంచవటి క్షేత్రంలో కనీవినీ ఎరుగని రికార్డు నెలకొల్పిన భక్తులు ‘’ శ్రీ అవుసలి వీరన్న – విజయలక్ష్మి దంపతులు
- పరమ పూజ్యశ్రీ శ్రీ శ్రీ సద్గురు కాశీనాథ్ బాబా వారి దివ్య ఆశీస్సులతో భక్తి పారవశ్యం
సంగారెడ్డి బ్యూరో, న్యూస్ పేజ్ :
పంచవటి పుణ్యక్షేత్రంలోని శ్రీ సిద్ధి సరస్వతీ దేవాలయ ప్రాంగణంలో నభూతో నభవిష్యతి అన్న రీతిలో సాగిన గణనాథుని లడ్డూ వేలం భక్తి పారవశ్యంతో పులకరించిపోయింది. చరిత్ర సృష్టించిన భక్తి ప్రపత్తులతో సాగిన ఈ వేలంపాటలో ఏకంగా రూ. 36,00,001/- (ముప్పై ఆరు లక్షల ఒక రూపాయి) లు వెచ్చించి మహాగణపతి లడ్డూను రాఘవాపూర్ శ్రీ అవుసలి వీరన్న – శ్రీమతి విజయలక్ష్మి దంపతులు కైవసం చేసుకున్నారు.
బాబా వారి మంగళాశాసనాలతో ఘనంగా వేలం
సాక్షాత్ అవధూత స్వరూపులు, పరమ పూజ్యశ్రీ శ్రీ శ్రీ సద్గురు కాశీనాథ్ బాబా గారి దివ్య మంగళాశాసనాలతో, ఏకంగా 41 మంది ఉద్దండ వేద పండితుల వేదమంత్రాల నడుమ 11 రోజుల పాటు వైభవోపేతంగా విశేష పూజలందుకున్న సాక్షాత్ సిద్ధి వినాయకుని మహా ప్రసాదాన్ని (లడ్డూను) దక్కించుకోవడానికి భక్తుల నడుమ తీవ్రమైన పోటీ నెలకొంది. ఆ పోటాపోటీ వేలంలో అచంచల భక్తి భావంతో, అనన్యమైన ధైర్యంతో ముందుకొచ్చిన పరమ భక్తులు రాఘవాపూర్ అప్పగారు శ్రీ అవుసలి వీరన్న – విజయలక్ష్మి దంపతులు రికార్డు స్థాయిలో వేలం పాడి రాష్ట్రవ్యాప్తంగా అందరి దృష్టిని ఆకర్షించారు.
మా జన్మజన్మల పుణ్యఫలం – భక్తులు రాఘవాపూర్ అప్పగారు
లడ్డూ ప్రసాదం దక్కించుకున్న అనంతరం భక్తి సామ్రాజ్య చక్రవర్తులుగా నిలిచిన రాఘవాపూర్ అప్పగారు శ్రీ అవుసలి వీరన్న - విజయలక్ష్మి దంపతులు భావోద్వేగంతో హర్షం వ్యక్తం చేశారు. ఈ సందర్భంగా వారు మాట్లాడుతూ.. "గత 11 సంవత్సరాలుగా పుష్కరకాల చండీ రుద్ర మహాయాగాల మహా దివ్య హోమజ్వాలలతో పునీతమైన ఈ పంచవటి దివ్యక్షేత్రంలో సాక్షాత్ విఘ్నేశ్వరుని మహాప్రసాదాన్ని దక్కించుకోవడం, పరమ పూజ్య శ్రీ శ్రీ శ్రీ సద్గురు కాశీనాథ్ బాబా గారి దివ్య ఆశీస్సులను ప్రత్యక్షంగా అందుకోవడం మా జన్మజన్మల పుణ్యఫలం. ఇది మేము చేసుకున్న ఎన్నో జన్మల సుకృతం" అని పరవశించిపోయారు.
భక్తుల జయజయధ్వానాలు – ప్రశంసల జల్లు
స్వామివారిపై వారికి ఉన్న అపారమైన భక్తిని, త్యాగనిరతిని చూసి క్షేత్ర నిర్వాహకులు, వేద పండితులు మరియు వేలాదిగా తరలివచ్చిన భక్తజనం నివ్వెరపోయారు. దశదిశలా భక్తి కీర్తిని చాటిచెప్పిన రాఘవాపూర్ అప్పగారు శ్రీ అవుసలి వీరన్న - విజయలక్ష్మి దంపతులపై సకల భక్తకోటి ప్రశంసల వర్షం కురిపించింది.
గణనాథుని కరుణాకటాక్షాలతో, సద్గురు బాబా గారి దివ్య ఆశీర్వాదాలతో రాఘవాపూర్ అప్పగారు శ్రీ అవుసలి వీరన్న గారి కుటుంబం సకల సంపదలతో, ఆయురారోగ్య ఐశ్వర్యాలతో కలకాలం వర్ధిల్లాలని ఆలయ ప్రతినిధులు, భక్తులు హృదయపూర్వక శుభాకాంక్షలు తెలియజేశారు.
మమ్మల్ని ఫాలో అవ్వండి