గణనాధునికి జగ్గారెడ్డి ప్రత్యేక పూజలు.. ​చిన్నారికి పుట్టినరోజు ఆశీస్సులు

• సంగారెడ్డి రామ్ నగర్ రామ్ మందిర్‌లో విశేష పూజలు..  
• పాల్గొన్న టీపీసీసీ వర్కింగ్ ప్రెసిడెంట్ జగ్గారెడ్డి
• ​గణనాథుడి సన్నిధిలో స్వయంగా దీపారాధన చేసిన జగ్గారెడ్డి  
• ​భజన మండలి ఆధ్వర్యంలో భక్తిపారవశ్యంతో సాగిన సంకీర్తనలు.. 
• భక్తులతో కలిసి పాల్గొన్న నేత..
• ​జగ్గారెడ్డి గారి చేతుల మీదుగా బర్త్‌డే వేడుక చేసుకున్న చిన్నారి..
• కేక్ కట్ చేయించి ఆశీర్వదించిన వైనం   

​సంగారెడ్డి బ్యూరో, న్యూస్ పేజ్ :

సంగారెడ్డి పట్టణంలోని రామ్ నగర్ రామ్ మందిర్‌లో ప్రతిష్టించిన వినాయకుడి వద్ద టీపీసీసీ వర్కింగ్ ప్రెసిడెంట్ జగ్గారెడ్డి ఘనంగా ప్రత్యేక పూజలు నిర్వహించారు. ఈ సందర్భంగా ఆలయ ప్రాంగణంలో కొలువుదీరిన విఘ్నేశ్వరుడికి ఆయన స్వయంగా దీపం ముట్టించి భక్తిప్రపత్తులతో నమస్కరించుకున్నారు. అనంతరం అక్కడ భజన మండలి ఆధ్వర్యంలో ఎంతో భక్తిశ్రద్ధలతో నిర్వహించిన భజన సంకీర్తనల కార్యక్రమంలో పాల్గొని భక్తులను ఉత్సాహపరిచారు.  

​చిన్నారికి ప్రత్యేక పుట్టినరోజు ఆశీస్సులు:

ఇదే సమయంలో తన పుట్టినరోజు వేడుకలను జగ్గారెడ్డి గారి చేతుల మీదుగా జరుపుకోవాలనే కోరికతో రామ్ మందిర్ వినాయకుడి వద్దకు ఒక చిన్నారి వచ్చింది. ఆ చిన్నారి మనసును గుర్తించిన జగ్గారెడ్డి స్వయంగా కేక్ కట్ చేయించి, జన్మదిన శుభాకాంక్షలు తెలుపుతూ నిండు మనసుతో ఆశీర్వదించారు. చిన్నారి పట్ల ఆయన కనబరిచిన ఆప్యాయత, ప్రేమాభిమానాలను చూసి అక్కడున్న భక్తులు, స్థానికులు ఎంతగానో ప్రశంసించారు.  

​ఈ కార్యక్రమంలో భజన మండలి సభ్యులు, ఆలయ కమిటీ నిర్వాహకులు, కాంగ్రెస్ పార్టీ ముఖ్య నేతలు, కార్యకర్తలు మరియు స్థానిక కాలనీవాసులు పెద్ద సంఖ్యలో పాల్గొన్నారు.

Tags : Sangareddy Ganesh Navratri 2026, Jagga Reddy Ram Mandir Puja, TPCC Leader Jagga Reddy, Newspage Regional News